هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 قصة منييرره مع الاخ الفرنسي لا تفوتكم

اذهب الى الأسفل 
3 مشترك
كاتب الموضوعرسالة
بصووهـ
ღ−ـ‗» عضو مبتدئ «‗ـ−ღ
ღ−ـ‗» عضو مبتدئ «‗ـ−ღ
بصووهـ


انثى عدد الرسائل : 10
تاريخ التسجيل : 08/10/2008

قصة منييرره مع الاخ الفرنسي لا تفوتكم Empty
مُساهمةموضوع: قصة منييرره مع الاخ الفرنسي لا تفوتكم   قصة منييرره مع الاخ الفرنسي لا تفوتكم Icon_minitimeالأربعاء أكتوبر 08, 2008 6:33 pm

لاتفوتكم سالفة منيره
>
>
> قرر الأب إذا نجحوا كل عياله يوديهم في الصيف لفرنسا... انبسطت منيرة
> مرة لما سمعت هالخبر... لأنه صار لهم زمان ما سافروا... من أربع سنين
> أو خمس... المهم شدت البنت حيلها في المذاكرة وأخوانها زيها... وجت
> نهاية السنة
> ونجحوا كلهم وسافر بهم أبوهم مثل ما واعدهم... كانت منيرة مبسوطة بس
> فيه شي منكد عليها كل السفرة... ومخلي الأخلاق في النازل... أبوها شرط
> عليها ما تشيل العباية... يا عباية يا ما فيه سفر... رضت منيرة لأبوها
> راحت بالعباية والطرحة محجبة بس (يحمد ربه بعد)... البنية أول مرة
> تسافر بعد ما كبرت... كانت ماخذة راحتها أول... لكن الحين خلاص (البنت
> كبرت)... تمشوا وراحوا وجو وما خلوا قرنة في باريس ما اندعسوا فيها...
> المهم العيال شبوا على أبوهم يبون شاطئ يسبحون... ونزلت الطامة الكبرى
> على منيرة!!!... وشلون تروح لشاطئ بعبايتها؟!... كيف تشوف أخوانها
> يسبحون وهي لأ؟!!... طبعا ما لها إلا تستسلم وتطس معهم... الزبدة راحت
> خويتنا وهي مطنقرة... وبينما العيال يسبحون ويمرحون (الله يفكهم من شر
> عينها) راحت هي على جنب وقعدت لحالها من زين الأخلاق (خبركم راكبتها أم
> العبيد)... وقامت تمقل بخلق الله... وبينما هي كذلك (حلوة قلبت العربي)
> لمحت ذاك الشاب الفرنسي اللي مووووووووت... يجنننننننننن
> طوييييل...ووسيييييم... وجسمه عضلااات... ولونه برونز (لابس مايوه)
> وشعره متروس جل... ولابس ذيك النظارة الشمسية الماركة... طالعها هو
> وابتسم... بغى يغمى عليها يوم شافت صفت اسنانه... ابتسمت هي الاخرى...
> قام ومن باب الميانة قرب قرب قرب لين ارتز جنبها... هي تسالون عن حالها
> مسيكينة... منسبهة... متنحة... وفي نفس الوقت مستحية... وكمان متوهقة
> خايفة يشوفها أبوها تحاكي ذا الاطخم يقوم يسفرها لديرتها دايركت (حرام
> عليه أبوها ما يكفي حكرها بالعباية يقوم يتفلسف)... التفت
> عليها أبو الشباب وانفلت بالحكي... طبعا هي ثور الله في برسيمه ما تدبر
> وش هو قاعد يرطن... هو شافها توزع هالابتسامات عرف إن ما عندها دبرة...
> قام سألها:
> do you speak English..
>
> هو سأل ولا ما سأل بغت تحب راسه البنية...
> على طول يييييس...
> ودار بينهما الحوار التالي:
> أبو الشباب: أنتي من وين شكلك مو فرنسية (أنواع المجاملة اجل هذا شكل
> فرنسية تتشمس بعبايتها؟!)
> منيرة: أنا من المملكة العربية السعودية طبعا
> لا تنسون إن كل هالبربرة بالانجلش.
> أبو الشباب: (وهو متحمس) كيف وصلتو
> هنا؟
> منيرة: وصلنا من كم يوم عادي.!
> أبو الشباب: بس كيف عبرتو البحر؟
> منيرة: أي بحر ما مرينا على أي بحر رحلتنا كانت دايركت الرياض باريس.
> أبو الشباب: (مستغرب) يعني ما جيتو على بعارين؟؟!!
> منيرة: (كن احد مدغدغها) أي بعارين انت تمزح جايين بطيارة لا
> بالجديدة بعد أم شاشات (يا شين السرج على البقر)
> أبو الشباب: عندكم طيارات؟؟
> منيرة: إيه عندنا ليه وش فاكرنا؟؟
> ابوالشباب: أنا اللي اعرف عن السعودية إنها صحراء قاحلة والناس
> يتنقلون فيها بجمال والحريم يركبون وهو متغطين على الجمال والرجال
> وراهم شايلين براميل البترول...!!! الخ
> منيرة: وين يا عمي وش ذا إحنا عندنا كل وسائل التكنولوجيا في
> ديرتنا... سيارات وطيارات وكمبيوترات وموبايلات(عاد أهم شي) وانترنت
> والشوارع متطورة وترى عندنا فيصلية ومملكة
> (هذي مب احسن تنطق تقابل فيصليتها ولا تفشلنا برى؟!)
> - أبو الشباب: اجل آسف أنا فاهم شي الواقع طلع شي أخر، بس أنتي ليه ما
> تسبحين؟
> منيرة: مقدر اسبح لأني محجبة
> ابو الشباب: اشوا انتي مو منهم؟
> منيرة: من مين؟؟
> أبو الشباب: اللي متشوهين
> منيرة: أي متشوهين؟؟؟؟!!!!
> أبو الشباب: الحريم اللي يغطون وجيههم عندكم متشوهين صح؟
> منيرة: لا طبعا أي متشوهين الموضوع مو تغطية بس ديننا هو اللي فرض
> علينا كذا درءاً للفتن (أبو الفلسفة) أنا هناك أغطي وجهي مثلا أنت
> شايفني مشوهة؟
> ابوالشباب: لا أبدا أنتي جميلة ولونك حلو، بس مو حرام جميلات زيكم
> يضطهدون؟
> منيرة: ليه يطصدو... يظهدون... يظطهون...المهم اللي هي من قال إن
> إحنا كذا؟؟؟
> أبو الشباب: مثلا ممنوعين من السواقة
> منيرة : مين قال لك إن إحنا أصلا نبي نسوق
> كل حرمة وبنت لها سواقها
> الخاص نسوق ليه
> أبو الشباب: طيب ما يقبلونكم بأي وظيفة بس مدرسة صح؟
> منيرة: الدولة الله يعزه ما توظف بناتها إلا في وظايف تناسب قدراتها
> بس موبس تدريس البنت السعودية طبيبة وصيدلانية وسيدة أعمال وموظفة
> حكومية بس الأغلب في قطاع التربية لأنه هو الأقرب لطبيعتنا البنات.
> ابوالشباب: بس مانعينكم عن المناصب الكبيرة مخلينها للرجاجيل بس هذا
> لا تقولين لا
> منيرة: ( أخذتها العزة بالإثم وقامت تألف) من قال كذا أصلا أنت ماخذ
> فكرة مرة سيئة عنا المراة تتقلد مناصب كبيرة حتى أنا بالامارة خالتي
> وزيرة.
> أبو الشباب: متأكدة؟ أنا اعرف إن السعودية ما فيها حريم في حكومتها
> منيرة: كل معلوماتك غلط قلت لك خالتي وزيرة
> أبو الشباب: شكرا على تصحيحك لمعلوماتي وبهالمناسبة أنا عازمك الليلة
> على خروجة (قلط أبو
> الشباب)
> منيرة: وين عازمني؟(متشققة)
> أبو الشباب: فيه بار جنب بيتنا أمرك ونروح له
> منيرة: ويييييين إحنا ما عندنا هالشغلات إحنا مب حقين بارات ديننا
> محرم علينا الشرب والرقص والاختلاط والتبرج أولا وبعدين حرام اطلع أنا
> وانت لوحدنا هذي تسمى خلوة
> أبو الشباب: يعني ايش خلوة؟؟
> منيرة: يعني بنت وولد ما يعرفون بعض ولا محرم لها يجلسون في مكان
> لوحدهم
> ابوالشباب: طيب وأنتي الحين قاعدة معي هذي مهي خلوة؟
> منيرة: لا هذا مكان عام ما فيه حواجز ومليان ناس
> ابوالشباب: عالعموم أنا اكرر عزيمتي
> منيرة: وأنا اكرر رفضي
> أبو الشباب: ترى إذا قمت ما فيه تغيرين رأيك
> منيرة: لا ابد
> قام أبو الشباب ومشى خطوتين وبعدين رجع لمنيرة وهي على جلستها وانحنى
> عليها ونزل نظارته على طرف خشمه وطالعها بعيونه وقالها
> بالسعودي:
> اجل خالتك وزيرة هاااه؟؟؟!!! لكل بنت سواق وعديتها لك بمزاجي.. لكن خالتك وزيره هذي قوييية...
>
> ياااااااعومري طلع اسعوودي.... والله لو انا من الولد الاتزوجها حسيت البنت اخلاااااااااااااق<<< تلايطي بس ^_^
الرجوع الى أعلى الصفحة اذهب الى الأسفل
بنت نيوتن
ღ−ـ‗» من كبار الشخصيات «‗ـ−ღ
ღ−ـ‗» من كبار الشخصيات «‗ـ−ღ
بنت نيوتن


انثى عدد الرسائل : 1008
العمر : 33
تاريخ التسجيل : 08/11/2007

قصة منييرره مع الاخ الفرنسي لا تفوتكم Empty
مُساهمةموضوع: رد: قصة منييرره مع الاخ الفرنسي لا تفوتكم   قصة منييرره مع الاخ الفرنسي لا تفوتكم Icon_minitimeالجمعة أكتوبر 10, 2008 3:45 am

ههههههههههههههههههههههههههههههههههههههههههههههههههههههه

مايمديني على فقشهااا

ياحبني لهاا
من جدمفروض يتزوجون وربي هي آخلاق وتشرح متحمسة
وهو بعد آطخم وكذا وفلة

<<شكلها هي آللي بتروح تتزوجة

يسلمووو بصورة <<ض1ض1 عاجبها آسمك

نورتي القسم ياغلااتي


مو آخر المواضيع ان شاءالله
الرجوع الى أعلى الصفحة اذهب الى الأسفل
*.. غلا الروح ..*
ღ−ـ‗» عضو فعَــال «‗ـ−ღ
ღ−ـ‗» عضو فعَــال «‗ـ−ღ
*.. غلا الروح ..*


انثى عدد الرسائل : 103
تاريخ التسجيل : 04/09/2008

قصة منييرره مع الاخ الفرنسي لا تفوتكم Empty
مُساهمةموضوع: رد: قصة منييرره مع الاخ الفرنسي لا تفوتكم   قصة منييرره مع الاخ الفرنسي لا تفوتكم Icon_minitimeالسبت أكتوبر 11, 2008 2:52 am

ههههههههههههههههههههههههههههههههههههههه خــطــيـــــــــــــــره Laughing
كل ما سمعتهالااازم اضحك لانها اممممممم الاحراااااااااااااج Embarassed

يسلموو ع القصه بصوه



.........................................

وشـــ هــــو عـطــــركــ !!0
ابــي لا ذبـحـنــي الشـــــوقـــ ......0
اشـمــــهــ
وانـتـعـــشــ فـيــــهــ
واضـمـــــهـــ

......................



< < < غـــــــــــــلا الـــــــــــــروح > > >
الرجوع الى أعلى الصفحة اذهب الى الأسفل
بصووهـ
ღ−ـ‗» عضو مبتدئ «‗ـ−ღ
ღ−ـ‗» عضو مبتدئ «‗ـ−ღ
بصووهـ


انثى عدد الرسائل : 10
تاريخ التسجيل : 08/10/2008

قصة منييرره مع الاخ الفرنسي لا تفوتكم Empty
مُساهمةموضوع: رد: قصة منييرره مع الاخ الفرنسي لا تفوتكم   قصة منييرره مع الاخ الفرنسي لا تفوتكم Icon_minitimeالأحد أكتوبر 12, 2008 9:11 pm

يسلمووو حبايبي ع الرد
الرجوع الى أعلى الصفحة اذهب الى الأسفل
 
قصة منييرره مع الاخ الفرنسي لا تفوتكم
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
 :: Ϡ₡°•.¸ ್ೋ الســـاحة الأدبيــــة ್ೋ¸.•°Ϡ₡ :: «ღ» القصص والحكايات «ღ»-
انتقل الى: