تخيلوا السحالي هم اللي يخطبون

تخيلوا البنات يخطبون الاولاد (( قصة ولا أروع)) هههههههههههههههه

يعني يتفاجأ التمساح في يوم وهو قاعد يقرا كتاب رومانسي وأنواع الأحلام الورديه (يااي) و سرحان في فارسة احلامه على السيسي الابيض..
الا و امه داخلة عليه و توها جاية من الاستراحة و تقوله: يا ولدي ودي اكلمك في موضوع. .
يرد هو بكل خوف : خير يمه؟ ....
تقول امه: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك؟ ....
ثم ينزل هو راسه في الارض و يلعب باصبعه في شعره (او شنبه)و يرد و اهو مستحي و خدوده حمرة و يقول:
الراي رايك والشور شورك يايمه
تقول امه: انا بصراحة ما اشوف في البنت شي.

ماشاءلله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..
ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. .
يقول هو : بس يا يمه هي ما شافتني من اول. انا دايما متلطم بشماغي (والله عيب بس بكمل)
تقول امه: هي شافتك و انت نازل من باص المدرسة ...

بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه.
و تراها هي و امها جايين يوم الخميس علشان يشوفونك..
يسال هو: طيب يا يمه ابوي وش رايه؟
تقول امه: ابوك ما يدري خليه حايس في المطبخ الله يعينه..
يقول هو :اللي تشوفينه يمه. .وتطلع امه من الغرفة
وينط هوقدام المراية و ياخذ نص لفة يمين و نص لفة شمال يشوف جسمه و يمشط شعره و شنبه بدلع (ياعمري)

و يقول : اه اخيرا حسَت و خطبتني.
و قبل يوم الخميس يروح لكوافيير رجالي و يكون مسوي حجز و يقعد و يصبغ شعره (هاي لايت) ويزين حواجبه و يشيل شعر يده و رجله بالحلاوة<<يعع

و يطلع زي فلقة القمر

ويجي البيت و يلبس الثوب اللي فصله عند المصمم( عبده شولق) لثياب الاعراس و الحفلات واللي فيه فتحة من عند الساق و فتحه في الظهر وسيور و ذاك المكياج وذاك العطر اللي يشق الخشم و ينزل للصالة
ويقوله ابوه : يالله دخل العصير على خطيبتك ترى امك ذبحتنا تسال عنك
يقول له و بكل خجل: واي واي يا يبه انا استحي

ابوه يقوله وهو يطق على كتفه و يضحك يا ولد روح لعروسك إهئ إهئ
يقول له : يا يبه دايما تحرجني انت واي واي
و ياخذ صينية العصير و يدخل المجلس اللي فيه البنت بكل نعومه ورقه ودلع وأدب و يقول بصوت ناعم: احم احم الس سسسلام عليكم
ترد هي بعد ما وقفت و عليكم السلام ( و هي تناظر فيه و في كل قطعة فيه) ...
و يقولها تفضلي....
تقول هي: وش الاحلى العصير الاحمر و لا الاصفر؟ بزعمها تبي تلطف الجو معه .
يقول هو: كله حلو
تقول هي: اكيد كله حلو لانك انت اللي مسويه

ثم يحط الصينية بسرعة و يده على فمه و يضحك و يروح داخل بسرعة
ياربييييييييييييييه
الا اخوانه يستنونه و يقولون: ها وشلون شكلها

يقول هو: واي واي تهبل تهبل حلوة و دمها خفيف و ذوق اهههههااي
الا ابوه من المطبخ يزغرط
لللللللوووولللللوووووشششش شششش مبروك يا ولدي

الا بدخلة اخته العربجية من بره و حاطه عبايتها على كتفها و تقول : خير وش فيه !!
يقولها ابوه : قصري صوتك في وحده داخل خطبت اخوك ..
تقول اخته: وهي وين شافت اخوي علشان تخطبه هاه؟؟؟؟ و تعطيه كف و تصرخ والله لالعن شكلها اللي جايه تخطب اخوي شباب آخر زمن
الا بدخلة امه و تسطر اخته كف و تطلع اخته بالسيارة و تفحط و تروح للاستراحة البنات <..تخيلوا عاد

و تمر الايام و هو يجهز ثوب العرس و الكوشة و بيت الزوجية و خلال هالفترة تمره زوجته بالسيارة يتمشون و تحاول انها تمسك ايده و هو مستحي و يقول لا لا عيب احد يشوفنا( يعني لو ماحد يشوفنا ترى عادي)
و يجي يوم العرس و يقعد هو في الكوشة و كل الشباب حوالينه يرقصون و يغنون على انغام طيران فرقة الشاطئ للرجال و طبعا مافيه صيته او العنود وسارة
وشوي الا العفسة قايمة : ترى العروس جايه
و ينطون الرجال و الشباب كلن يلبس شماغه و يتلطم ..
و تدخل العروس مع امها و خواتها (خواتها يتيميلحون قدام الشباب ) و تقعد العروس جنبه و ترفع الطرحة (طرحة البسام بصمة خمسة) و تقوله: الله صاير مثل القمر

ثم يلف وجهه وهومستحي
و يتم الزواج و بعد تسعة شهور الا هو يصرخ في الليل فيه الطلق
و يودونه المستشفى و يولد و يجيب توأم

ويطلع من المستشفى الى بيت اهله علشان النفاس <....حركات
و تاخذها زوجته فرصة و تسافر مع البنات و يهيصون قبل ما تخلص مدة نفاس رجلهاا الله يساعده
و يرجع لبيته يربي عياله و يطبخ الغدا لزوجته

ويتخانقون ساعات و ينام و دمعته على شنبه

وتزيد حدة الخلاف و ياخذ شماغه و عياله و يروح لبيت اهله

و تصلح امه ما بينهم و ترجع الحياة مثل اول

ههههههههههههههههههههههههههههههههههههههه

شرايكم ودكم كذاا

والا ع الطبيعه احسن

انا اشوف كللهم حلويين<<ودهاا تجررب تخطب

طييب اذا مئيدين من بتخطبين يالبنت؟؟<<فضاااايح

انا عن نفسي بجاوب بعدكم<<بتمخمخ عدل